ანგარიშგების მომზადება და წარდგენა

ბუღალტრული ანგარიშგება არის დოკუმენტების ერთობლიობა, რომელიც ასახავს ეკონომიკური საქმიანობის სუბიექტის ფინანსურ მდგომარეობას გარკვეული პერიოდის განმავლობაში. ანგარიშგება იგზავნება შემოსავლების სამსახურში, წარედგინება ინვესტორებს განსახილველად და გამოიყენება შიდა მმართველობითი მიზნებისთვის. ბუღალტრული ანგარიშგების მომზადება და სახელმწიფო კონტროლის ორგანოებისთვის წარდგენა ევალება საკუთრების ფორმის, სამეურნეო საქმიანობის ყველა სახისა და მასშტაბის ორგანიზაციას.

ბუღალტრული ანგარიშგების მომზადების თავისებურებები

სპეციალისტი ახდენს ბუღალტრული ანგარიშგების ფორმირებას ბუღალტრული და მმართველობითი აღრიცხვის მონაცემების საფუძველზე, სახელმწიფო ინსტანციებში დოკუმენტების წარდგენის ფორმასთან, შინაარსსა და ვადებთან დაკავშირებული კანონმდებლობის მოთხოვნების მკაცრი დაცვით. ანგარიშგების შედგენა ხორციელდება შემდეგი პრინციპების საფუძველზე:

• დაინტერესებული მხარეებისათვის ინფორმაციის ობიექტურობა, სანდოობა, სისრულე და სარგებლიანობა;
• კომპლექსურობა — ანგარიშგება ზოგადად უნდა ასახავდეს ორგანიზაციის სამეურნეო საქმიანობის შედეგებს;
• სისტემურობა — წარმოდგენილი ინდიკატორების ურთიერთკავშირი;
• ნეიტრალურობა — ანგარიშგების დოკუმენტაცია უნდა აკმაყოფილებდეს ყველა მომხმარებლის ინტერესებს;
• თანმიმდევრობა — დოკუმენტების თანმიმდევრულად შედგენა წინა საანგარიშო პერიოდიდან მომდევნო პერიოდამდე;
• შესადარისობა — ანგარიშგება უნდა მომზადდეს ისეთნაირად, რომ მომხმარებელმა შეძლოს მისთვის საინტერესო მაჩვენებლების შედარება და ორგანიზაციის განვითარების პერსპექტივების შეფასება;
• შინაარსის უპირატესობა ფორმაზე — საწარმოს სამეურნეო ცხოვრების ფაქტების ასახვისას, უპირველეს ყოვლისა, მათი ეკონომიკური შინაარსის გათვალისწინება და მხოლოდ ამის შემდეგ მათ იურიდიულ მხარეზე ყურადღების გამახვილება.

ბუღალტრული ანგარიშგების შემადგენლობა და ფორმები დამოკიდებულია ეკონომიკური სუბიექტის ორგანიზაციულ ფორმაზე, სამეურნეო საქმიანობის მასშტაბზე და საგადასახადო დაბეგვრის გამოყენებულ სისტემაზე.

ბუღალტრული აღრიცხვის აუთსორსინგის უპირატესობები

ფინანსური დოკუმენტაციის წარმოება და მაკონტროლებელ ორგანოებთან ურთიერთობა მოითხოვს მაღალკვალიფიციური თანამშრომლების ჩართვას, რომელთა შტატში მუშაობის უზრუნველყოფა საკმაოდ ძვირი ჯდება. სპეციალისტებზე დაზოგვის მცდელობა კი იწვევს დიდ ფინანსურ და რეპუტაციულ ზარალს, ვინაიდან ბუღალტრული აღრიცხვის ხარვეზები იწვევს საჯარიმო სანქციებს საზედამხედველო ორგანოების მხრიდან და უნდობლობას არსებული და პოტენციური პარტნიორებისგან. პრობლემის ოპტიმალურ გადაწყვეტას წარმოადგენს აუთსორსინგული კომპანიის მოზიდვა, რომელიც მაღალი ხარისხის აღრიცხვასა და ანგარიშგებას უზრუნველყოფს და დაიცავს ბიზნესის მფლობელს ზედმეტი ხარჯებისგან.

რატომ არის უმჯობესი ანგარიშგების მომზადება ჩვენ მოგვანდოთ?

ბუღალტრული ანგარიშგების მომზადების Financial Outsource-სთვის გადაცემა უზრუნველყოფს უამრავ უპირატესობას პრობლემების საკუთარი ძალებით გადაჭრასა და შტატში მომუშავე ბუღალტრის დასაქმებასთან შედარებით:

• ჩვენთან დამკვიდრებულია შესრულებული სამუშაოების მრავალსაფეხურიანი შიდა კონტროლი, რაც გამორიცხავს შეცდომების დაშვების შესაძლებლობას;
• გუნდური მუშაობის პრინციპი კლიენტისთვის ნებისმიერ მოსახერხებელ დროს მომსახურების გაწევის საშუალებას იძლევა: თუ ერთი სპეციალისტი გადის შვებულებაში, ავადდება ან ტოვებს სამსახურს, მას მეორე ცვლის;
• ჩვენი პროფესიული პასუხისმგებლობა დაზღვეულია საერთაშორისო კომპანია GPI Holding-ის მიერ. ეს უზრუნველყოფს ჩვენი კლიენტების დაცვას ფინანსური ზარალისგან.

იმისათვის, რომ შეგვიკვეთოთ ბუღალტრული ანგარიშგების მომზადება და მაკონტროლებელ ორგანოებში წარდგენა, დაგვიკავშირდით ან შეავსეთ განაცხადის ფორმა ვებგვერდზე. ჩვენ გაგიწევთ კონსულტაციებს და შემოგთავაზებთ თანამშრომლობის კომფორტულ ფორმატს.